<?xml version="1.0" encoding="UTF-8"?><song><author>Congregational Church</author>
<lyrics>[V1]
 Faingàna, ry Mpanjaka !
 Handray ny lovanao ;
 Faingàna re mba haka
 Ny tany ho Anao ;
 Avia hampifaly
 Ny malahelo fo ;
 Afaho ny mijaly
 Sy azon'ny manjo.

[V2]
 Avia, fa misento
 Atý ny olonao ;
 Ny fanjakana ento,
 Fa Tompo Hianao.
 Tsy hisy hitomany
 Eo anatrehanao.
 Hiadana ny tany
 Izay alehanao.

[V3]
 Ny tendrombohitra avo,
 Ny lohasaha koa,
 Ho tonga ravoravo
 Sy tretrika avokoa ;
 Ny be tsy haka an-kery,
 Ny kely afa-po ;
 Tsy hisy izay ho very
 Tsy hisy izay hanjo.

[V4]
 Mpanjaka sy Mpiaro
 Mahery Hianao ;
 Ny firenena maro
 Hitoky Aminao ;
 Ho avy lalandava
 Izao rehetra izao
 Hitondra harem-bevava
 Ho eo an-tongotrao.

[V5]
 Faingàna, ry Mpamonjy,
 Ry Tompo be fitia ,
 Ny olonao tra-bonjy
 Miantso hoe : Avia !
 Anao ny fiderana,
 Anao ny laza be,
 Anao ny fanjakana
 Sy arahaba e !</lyrics>
<title>Faingana, ry Mpanjaka! FFPM39</title>
<hymn_number>39</hymn_number>
</song>